لون حياتك بالطاعات

لون حياتك بالطاعات

أيام كثيره مضت من حياتنا لكن بدون فائده
نشعر بأن الوقت يمشي بسرعه بدون مانحس فيه
الروتين اليومي نفس الشي
أمس نفس اليوم وبكره نفس أمس وعلى هالحاله

بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير أسعد ناس في العالم

ساعد المحتاجين
اكفل يتيم
لو ماتقدر ماليا
تشارك انت _انتي ومعارفك او اصدقائك
وبكذا يكون الأجر اعم وأكثر
وراح تكسب اجر اكثر منهم تدري ليه ؟!
لأنك حثيتهم على هالشي

حافظ على صلاتك في وقتها
حاول أن تخشع قدر الامكان
وابعد عنك الهواجيس وأنت تصلي
واستشعر إنك أمام الله

داوم على الذكر دائما وحتى ماتنسى
علق على باب غرفتك مجموعه أذكار
في الممر في الصاله وفي اي مكان في البيت
حتى ماتنسى والذي حولك أيضاً ماينسون

واظب على أذكار الصباح والمساء
ففيها راحة نفسية عجيبة

ابعد عنك الحسد والحقد والغيره
وخل قلبك أبيض نظيف
ترى الدنيا والله ماتسوى إننا نتزاعل ونغتاب بعض فيها

إحرص على إنك تقرا القرآن يوميا
حتى ولو نص وجه خل قرآنك
جنب السرير قبل ماتنام
إقرا لك شوي

حاسب نفسك ..
أنا اليوم إغتبت؟ جرحت أحد ؟ سببت أحد؟
أنا اليوم ماجلست مع أمي كثير؟
أنا اليوم ماإستغليت يومي بشي يفيدني؟
حاسب نفسك قبل لاتنام
وانتظر بكره يجي عشان تصحح أخطائك
ويكون يومك أحلى من الامس

والآن هل وجدت لك لون لتبهج به حياتكـ ..؟!