امثال شعبية جزائرية رائعة *حوت ياكل حوت وقليل الجهد يموت*

بعد التحية و السلام اخواني اخواتي في هذه الصفحة اخواني احببت ان انقل اليكم بعض الامثال الشعبية الجزائرية ارجو ان تنال اعجابكم .





أخدم باطل ولا تقعد عاطل.











*الحمار حماري و أنا راكب من اللور ( الخلف )






*الزعاف يخرج السر.






*الفم المزموم ما يدخله الذبان.









*اقصد الدار الكبيرة الا ماتعشيتش تبات دافي.




* الجار قبل الدار.



*كم من قبة تنزار ومولاها في النار.


*عام يكثر التبن يكثر اللبن.


*الكبش ينباع بجزته.


*الي ماهوليك يعييك.


*حماري ولاعود الناس.


*قد ماتكبر العين الحاجب فوقها.

*الي ما رضى والديه لا خير فيه.

*ابكي يا قلبي على الي ماتو و متبكيش علي فارقك في حياتو.

*كل خنفوس في عين امه غزال.

*العمشاء وسط العميان هي مكجولة الانظار.

*كبر الراس للدبارة وكبر الساقين للخسارة

*خنفساء تلهيني ولا غزالة تشقيني.

*كان حي مشتاق تمرة عندما مات علقول عرجون.

*لسانك صنتو صانك خنتو خانك.

*الي لسعه حنش يتخايل الحبل.

*الي مافي بطنو التبن ما يخاف من النار.

*عندما تشبع الكرش تقول للراس غني.

*اسمع للكلام الي بكيك ومتسمعش للكلام الي ضحكك.

*فرط في كل اصحابك الا صاحب ابوك متفرطش فيه.

*ما يبقى في الواد الا حجارو.

*اشري الجار قبل الدار.

*الي ما ذاق المر لا يعرف قيمة الحلو.

*الزين ما اعمر البيت.

*الي ماهو ليكك غير اعييك.

*الي خلص دينو شبع.

*تبع الكذاب الى باب الدار.

*خوك يمضغك لاكن ميبلعكش.

*جاك لبلاء ياغافل .

*ساعة القضاء ليه غفلة.

*حوت ياكل حوت وقليل الجهد اموت.

*ربي يخلف على الغابة و لايخلف على الحطابة.

*الحمام المكسر الجناح ينزل على البر الخالي.

*حل الصرة(الكيس الصغير) تلقى خيط.

*الكلب اذى نبح ماعض ما جرح.

*كدس( كومة)حجار ولا سوء جار.

*الطعام لمليح يستاهلو النفاع.

*الطماع ابات اساري (يمشي ليلا ).

*الفاهم يفهم بالغمزة والحمر يفهم بالدبزة(اللكمة ).

*اللي يزرع الريح يحصد غبارو.


*ماناكل البصل ما نحصل.

*حج وزاير بير زمزم و جاء للبلاء يتحزم.

*ياكل من الشجرة ويقطع عروقها.

*واش من مرقة حرقت شواربك.

*ازرع ينبت.

*خرج من الحبس طاح في بابه.

*اقلع راس تزول الخصومه.

*الجرب حكاك و الخائن شكاك.

*صاحبك هو جيبك.

*لي يتبع الاولاد داه الواد.

*هو في الموت وعينيه في الحوت.

*دعوة زوج ولا دعوة عجوز.

*الذهت يغير المذهب.

*يفنى مال الجدين و تبقى حرفة اليدين.

*فوت على الواد الهايج وماتفوتش على الواد الساكت.

*لقاه راكب خشبة قالو مبروك العود (الحصان) .

*لي فيه طبة ماتتخبه.

*انا نوصيك ياسعيد و انت في العمى تزيد.

*في النهار تطوف و في الليل تنسج الصوف.

*يعرف الاوقات كي الفروج وما يصليش.

*هم العرس ولاهم الضرس.

*دير كيما دار جارك و لا بدل باب دارك.

*بيضة اليوم و لا جاجة غدوة.

*اهدر على السبع يهدف.

*اتهلاي يا عصاتي على كساتي .



والان بعض الأمثال الشعبية الجزائرية التي تعتبر اسلحة دمار شامل تستعملها الكنات و العجايز في الحرب العالمية المشتعلة منذ دخول الكنة إلى البيت
العجوز و هي تستفز الكنة بينما تقوم الأخيرة بشغل البيت
( الله لا يخليني لليدين الله يخليني غابة و الناس حطابة ) طبعا ما فهمتو شيء سأشرح العجوز تقول أدعو الله ان أبقى بصحتي و اقوم انا بشغل بيتي و أساعد الناس مع ان الكنة هي التي تقوم بالشغل

نجحت العجوز في استفزاز الكنة و سترد
( باينة الشقة على حواشيها ) الكنة تقول واضح جدا
العجوز ترد
( أضحك يا فمي على همي ) ههههه العجوز تشكي همها من كنتها
الكنة صح معاك حق (هم يبكي و هم يضحك) و تضحك و تقهقه هههههههههههههههههههههههه
العجوز
( يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ) تتهمها بالجنون
بعد ماتخلص الكنة شغل البيت تتزين و تخرج لتغيض العجوز
العجوز ( خصك السواك يا معوجة الحناك) تقصد تقوللها انتي أصلا لا تصلحي للتزين
و تقابل العجوز مرآتها و تحاول تحسن مظهرها
الكنة ( سيدي مليح خصو الهوى و الريح ) يعني نفس معنى المثل السابق ( اللي فاتو وقتو مايطمع في وقت الغير)
العجوز ( الدنيا بالوجوه و الآخرة بالفعايل)
يدخل الزوج هلكان من الشغل ويلاقي المشاكل كل واحد تحكي روايتها و يقول جملة واحدة ( كي سيدي كي لالا) يعني وجهان لعملة واحدة وهي الإزعاج طبعا
و انا راح أعلق على الي حصل بين الكنة و العجوز بهذا المثل ( المسلوخة تضحك على المذبوحة و المقطعة شبعت عليهم ضحك ) يعني ... ماراح اقول المعنى اخليها فزورة واللي يلقى المعنى ماراح ياخذ و لا فلس

السلام عليكم.

مشكور على الأمثال التي قدمتها خصوصا أن جلها تتضمن مفاهيم ذات بعد أخلاقي، أكيد للذين لهم دراية بها ويفهمون معناها، فأسلافنا لم يتروكوها هباء.
وأنا بدوري وودت مبادلتك ببعض الأمثال، وأحيطك علما أن هوايتي هي جمع الأمثال الشعبية والحكم.

* الدين يصفر الخدين يالوكان يكونوا درهمين.


* الجود بعد العرب بدعة.


* كلمة أعطيني ما خلات من يبغيني.


* احنا خاوة ودراهمنا عديان.


* شرقة من ريقك توريك عدوك من صديقك.


* خفيف لقدام يشيان ويالوكان وجهو مراية.


* اطعم الفم تستحي العين.


* الي يزرع الشوك يجني لجراح.


* الي يعرف يوفر من عشاه لغداه، ما يكون شفايا لعداه.



* كلمتك كي بنتك اعرف وين تحطها.


* الي تكبر بيه لا تتكبر عليه.


* راحت صحاب الهيبة وقعدت صحاب الخيبة.


* قدم رجل وأخر رجل ما تعرف الخير إلا يبسط ويلا يعجل.



* ما تبني على هار ما ينهار.


* قيس قبل ما تغيس.


* كثرة الطيحات تعلم الوقفة.


* إذا فاتوك بالفكرة فوتهم بالبكرة.


* اهرب على ذراعك تاكل مسقي.


* الطير الحر يشكر مباتوا.


* خالط الناس تعرف الذهب من النحاس.


* عود واحد ما قدا(ماشعل) وفارس واحد ماغزا.


* السعد بوهالي ما تحصي يجي فالأول ولا فالتالي.


* يمات الذكورة مشغولة ويالوكان تكون غولة.


* الطلعة تكسر الضلعة.


* السكات صيف مجبر والضحك عرة البسالة إذا سمعت لا تخبر وإذا شفت قول لالا.



*إذا خالطت العطار تنال الشموم، وإذا خالطت الحداد تنال الحموم، وإذا خالطت السلطان تنال الهموم.

إذا أردت معرفة تفسير أي مثل فلا مشكل سأوافيك به.